كيكة الشكولاطة

بسم الله الرحمن الرحيم

كيكة الشكولاتة


المقادير:
4 كوب دقيق
1 ونص كوب سكر
كوب صغير ماء دافي
معلقه محسن
8 بيض
ربع كوب زيت
فانيليا
معلقه بكنج باودر

بس انا شلت من الدقيق 6 معالق كبيرة وحطيت بدالهم كاكاو خام

الطريقة:
نضرب المقادير السايله مع بعض الاول لمدة 5 دقايق وبعدين نحط الدقيق ونضرب 5 دقايق تانيين ونصبها في صينيتين مقاس متوسط او صينيه مقاس 26 ونحطها في فرن متوسط الحراره 180درجه وبتاخد 45 دقيقه




مكونات صوص الشيكولاته:
1 ونص كوب نسكويك - 1 كوب ماء - نص كوب سكر
معلقتين زبدة - معلقتين عسل جلكوز - ربع كوب شيكولاته
ودي الشيكولاته اللي استخدمتها


الطريقة:
نحط السكر على النار لحد ما يعمل كاراميل وبعدين تضيفي المية
ولما يدوب كل الكاراميل نضيف النسكويك ونقلب وبعدين عسل الجلكوز والزبدة
ونخليهم على النار شوية و نطفي ونسيبها تهدى شوية
وبعدين نضيع الشيكولاته


الكريم شانتية:
ربع كريم شانتية خام - ممكن تعملي باللبن او الميه المتلجة
ونسكويك مدوب في شوية مية حسب الرغبة - سكر بودرة

الطريقة:
نضرب السكر واللبن والكريم شانتية زي كدا


ونحط عليهم النسكويك ونقلب كويس


نبتدي التزيين:
انا شلت وش الكيكة علشان تبقى متساوية..


ونقسم الكيكة على 3..
وناخد اول طبقة ونسقيها شربات خفيف
ونحط طبقة كويسة كريم شانتيه..

وصوص شيكولاته

ونحط الطبقة التانية ونسقيها بردو..


ونكرر نفس الخطوات كريمة وبعديين صوص شيكولاته..


ونحط اخر طبقة ..

ونغطيها كلها بالكريم شانتية..



وندخلها التلاجة تسقع علشان نغطيها بالصوص ..


وبعد ما بردت نغطيهل بصوص الشيكولاته كويس..


وجبت الشوكة وعملت بيها جناب التورتة علشان تدينا الشكل دا..


وزينت الوش بالكريم شانتيه بالشكل دا..


حسيتها عاوزة شوية تزيين كمان رحت عملت مربعات بالشيكولاته وزينتها
بشيكولاته بيضا مع حته صغيرة دارك علشان ما نخرجش عن نفس الالوان




ونقدمها..